Cunha participación total de 105 patinadores e patinadoras, disputouse a pasada fin de semana o Trofeo Xunta de Patinaxe Artística para os de Primeira Categoría no que desenvolveron o programa longo da modalidade libre. Na provincia da Coruña houbo dobre xornada, o sábado 23 de febreiro durante todo o día e o domingo 24 pola mañá, para acoller aos 73 participantes no pavillón do Milladoiro do concello coruñés de Ames e organizado polo C. P. A. Omega.
Por outra banda, os inscritos dos clubes da provincia de Pontevedra, 32 en total, disputaron a súa competición o sábado no pavillón do C. E. I. P. Souto-Donas de Gondomar coa organización do C. P. A. Gondomar.
Na páxina web de competicións están xa á vosa disposición os resultados finais de ambas probas.
[Fotos: C. P. A. Omega e Coruxo]
#eupatino
