Os World Skate Games, que se celebran en Asunción (Paraguai) do 2 ao 18 de outubro, contarán coa participación dos seguintes deportistas da Federación Galega de Patinaxe:
SKATEBOARDING
Julia Benedetti, do Maroña, foi convocada para competir coa Selección Española de Skateboarding na modalidade de Park. A competición disputarase do 3 ao 10 de outubro.
Julia Benedetti
Cabe destacar que Luis Cabarcos, do Northside, será un dos riders convidados polo seleccionador español para a competición de referencia da modalidade de street, que terá lugar do 11 ao 18 de outubro.
Luis Cabarcos
HOCKEY PATINS
A competición de hóckey a patíns celebrarase do 3 ao 18 de outubro e contará con representación galega tanto no ámbito arbitral como nas seleccións nacionais.
Rubén Fernández e Daniel Villar foron os árbitros da Federación Galega de Patinaxe designados para arbitrar nestes World Skate Games.
Daniel Villar e Rubén Fernández
Hugo Mareque, do Compañía de María, foi convocado coa Selección Española Sub 19, que disputará a súa competición do 3 ao 10 de outubro.
Hugo Mareque
Pola súa banda, Blai Roca, do HC Liceo, formará parte da selección absoluta masculina, que competirá do 11 ao 18 de outubro.
Blai Roca
Foto: Germán Barreiros
PATINAXE DE VELOCIDADE
A competición de patinaxe de velocidade disputarase do 7 ao 18 de outubro. Nela participarán dous representantes galegos: Chevi Guzmán, do Celta Patín, e Manu Taibo, da SCD Rabadeira, ambos convocados coa selección española sénior masculina.
Chevi Guzmán
Foto: The World Games
Manu Taibo
PATINAXE ARTÍSTICA
Por último, a competición de patinaxe artística celebrarase do 7 ao 17 de outubro e contará cunha ampla representación galega en distintas modalidades.
Na modalidade de Libre os convocados coa selección española son:
Olivia Rey, do CPA Maxia, en categoría júnior feminina
Olivia Rey
Foto: WSE – Raniero Corbelletti
David Rama, do CPA Maxia, en categoría júnior masculina
David Rama
Foto: WSE – Raniero Corbelletti
Unai Cereijo, do CPA Maxia, en categoría sénior masculina
Unai Cereijo
Foto: WSE – Raniero Corbelletti
Na modalidade de Solo Danza, Joel Ribeiro, do CPA Gondomar, competirá na categoría sénior masculina.
Joel Ribeiro
Foto: WSE – Raniero Corbelletti
Pola súa banda, Marta Blanco e Adrián Blanco, do CPA Maxia, participarán na modalidade de parellas de artístico sénior.
Marta Blanco e Adrián Blanco
Foto: WSE – Raniero Corbelletti
Ademais, o CPA Gondomar tamén competirá na modalidade de Grupos Show Júnior.
CPA Gondomar
Dende a FGP queremos felicitar a todos e todas polas súas convocatorias e desexarlles moita sorte na competición.