A pasada fin de semana tivo lugar o Campionato de España de Patinaxe de Velocidade en Circuíto Xuvenil, Junior e Sénior.
A competición, celebrada no Circuíto de Antoniutti, en Pamplona, contou coa participación de varios patinadores e patinadoras galegos/as, que conseguiron os seguintes resultados e medallas:
- Álvaro Espiñeira Ameijeiras, xuvenil masculino do Celta Patín, foi medalla de Ouro nos 100m sprint e 430m sprint, e Prata nos 8000m puntos.
- Jhoan Sebastián Guzmán Bitar, sénior do Celta Patin, foi medalla de Ouro nos 100m sprint e nos 430m sprint.
- Carlos Arturo Tarazona Ropero, sénior da SCD Rabadeira, conseguiu a medalla de Ouro nos 10000m puntos e nos 15000m eliminación.
- Andrea Boedo Arza, sénior da SCD Rabadeira, foi medalla de Ouro nos 100m sprint e medalla de Bronce nos 430m sprint.
- Raúl Couto Aradas, junior da SCD Rabadeira, obtivo a medalla de Ouro nos 10000m puntos.
- Xoel Vilariño Ordóñez, junior da SCD Rabadeira, conseguiu a medalla de Prata nos 100m sprint, un 5º posto nos 10000m puntos e un 6º posto nos 430 m sprint.
- John Sebastián Luna Villamizar, junior da SCD Rabadeira, conseguiu o 3º posto nos 15000m eliminación, 4ª posición nos 10000m puntos e 10ª posición nos 430m sprint.
- Silvia García Arribe, junior do Sada Patín, quedou 5ª nos 100m sprint e 10ª nos 430m sprint.
- María Fernanda Leiva Espina conseguiu o 7ª posto nos 430 m sprint e nos 100m sprint.
Desde a FGP queremos darlles a todos e todas os parabéns polo seu traballo e resultados.