Xa celebrados os World Skate Games de Asunción 2026, os deportistas da Federación Galega de Patinaxe pecharon a competición cun balance de nove medallas: catro ouros, tres pratas e dous bronces.
PATINAXE DE VELOCIDADE
Chevi Guzmán, do Celta Patín, bateu o récord do mundo nos 100 m sprint, cunha marca de 9,467 segundos.
Chevi acadou tres medallas de ouro e dúas de prata. Proclamouse campión do mundo nos 100 m sprint, na volta sprint e nos 3000 m relevos, xunto con Manu Taibo e Patxi Peula.
Foto: RFEP
Foto: RFEP
Foto: RFEP
Pola súa banda, acadou as medallas de prata nas probas dos 200 m Dual TT e dos 500 m + D.
Foto: RFEP
Foto: RFEP
Ademais, rematou no 19º posto nos 1000 m sprint.
Manu Taibo, da SCD Rabadeira, conseguiu o ouro na proba dos 3000 m relevos, xunto con Chevi Guzmán e Patxi Peula, ademais do bronce na maratón.
Taibo tamén acadou o 7º posto nos 5000 m puntos, 8º nos 10000 m eliminación e 30º nos 15000 m eliminación.
Foto: RFEP
Foto: RFEP
HÓCKEY A PATÍNS
Hugo Mareque, do Compañía de María, quedou campión do mundo coa Selección Sub 19 masculina de hóckey a patíns, tras vencer a Portugal na final por 2 -1.
Foto: RFEP
Foto: RFEP
Pola súa banda, Blai Roca, do HC Liceo, formou parte da Selección Absoluta Masculina, que rematou a competición no 4º posto.
Foto: World Skate
Compre destacar que a coruñesa María Sanjurjo proclamouse campioa do mundo coa Selección Absoluta Feminina.
PATINAXE ARTÍSTICA
Modalidade de libre:
Unai Cereijo, do CPA Maxia, proclamouse subcampión do mundo na categoría sénior masculina, cunha puntuación total de 260.16 puntos.
Foto: RFEP
Foto: Raniero Corbelletti
David Rama, do CPA Maxia, acadou a medalla de bronce na categoría júnior masculina, cunha puntuación de 193.03 puntos.
Foto: RFEP
Foto: Raniero Corbelletti
Olivia Rey, do CPA Maxia, rematou no 8º posto da categoría júnior feminina, coa puntuación total de 138.28 puntos.
Foto: Raniero Corbelletti
Modalidade de Solo Danza:
Joel Ribeiro, do CPA Gondomar, finalizou no 5º posto da categoría sénior masculina, acadando unha puntuación de 153.01.
Foto: Raniero Corbelletti
Parellas de artístico sénior:
Marta Blanco e Adrián Blanco, do CPA Maxia, remataron no 4º posto, cunha puntuación de 147.09.
Foto: Raniero Corbelletti
Grupos Show Júnior:
O CPA Gondomar acadou o 5º posto cun total de 22.66 puntos.
Foto: Raniero Corbelletti
SKATEBOARDING
Julia Benedetti, do Maroña, rematou no 31º posto na modalidade de Park, tras quedar eliminada nos cuartos de final.
Foto: World Skate
HÓCKEY LIÑA
Por último, Pablo Iglesias, antigo xogador do Lóstregos Lucus, acadou o bronce coa Selección Júnior masculina.
Dende a FGP queremos dar os parabéns a todos e todas polo seu gran traballo e polos magníficos resultados acadados.