O XIII Campionato de España de Parellas de Artístico e Danza celebrouse do 21 ao 23 de maio en Alhaurín de la Torre.
Os patinadores e patinadoras galegos/as conseguiron un total de tres medallas de ouro e dúas de prata. En parellas de artístico, os ouros os levaron Martín Lago e Daniela Cacheda, en categoría alevín; Álvaro Castiñeiras e Alicia Castiñeiras, en categoría júnior; e Adrián Blanco e Marta Blanco, en categoría sénior. Ademais, Eizan Calo e Ella Calo acadaron a prata en categoría infantil.
Pola súa banda, en parellas de danza, Iago Cacheiro e María Bilbao conseguiron a prata en categoría sénior.
PARELLAS DE ARTÍSTICO
Categoría Alevín:
1º Martín Lago e Daniela Cacheda, do Arealonga Chapela, coa puntuación total de 21.13
Categoría Infantil:
2º Eizan Calo e Ella Calo, do CP Ribeira, coa puntuación total de 47.68
Categoría Cadete:
4º Mauro Vrhovski e Claudia Veiga, do CPA Omega, coa puntuación total de 68.00
Categoría Júnior:
1º Álvaro Castiñeiras e Alicia Castiñeiras, do CP Ribeira, coa puntuación total de 108.13
Categoría Sénior:
1º Adrián Blanco e Marta Blanco, do CPA Maxia, coa puntuación total de 173.82
PARELLAS DE DANZA
Categoría Sénior:
2º Iago Cacheiro e María Bilbao, do CP Alquimia, coa puntuación total de 94.10
5º Fabián Martínez e Zaira Sánchez, do CP Alquimia, coa puntuación total de 74.15
Dende a FGP queremos dar os parabéns a todos e todas polo seu gran traballo e polos excelentes resultados acadados.
