A pasada fin de semana remataba a Liga Galega Júnior de Hóckey sobre Patíns despois de disputar 14 xornadas que comezaron o 22 de decembro de 2018 e na que participaron sete equipos. Club Compañía de María A foi o primeiro clasificado cedendo nos 12 encontros disputados tan só un empate e unha derrota, contando o resto por vitorias, o que lles permitía acadar a primeira praza con varias xornadas de antelación polo que se medirá na semifinal da Final a 4 desta fin de semana a H. C. Liceo, o cuarto clasificado. A outra semifinal enfrontará a A. C. Órdenes e Club A. A. Dominicos como segundo e terceiro da fase regular respectivamente.
#eupatino