Lucía Couñago Queijeiro, do Northside Skatepark Coruña, alzouse co terceiro posto no Neskup Skate Contest, unha das competicións de referencia no panorama europeo do skate feminino.
Ademais, compartiu coa andaluza Natalia Muñoz o premio ao Best Trick do Campionato.
Este resultado confirma o excelente momento de forma da coruñesa, a tempo para o Campionato de España, que terá lugar en Córdoba no mes de decembro.
Desde a FGP queremos darlle os parabéns polo seu gran traballo e resultados.
