Esta tarde realizábase no local da Federación Galega de Patinaxe o sorteo do cadro de eliminatorias para as categorías Alevín, Infantil e Xuvenil, que comezarán o 14 de abril con enfrentamentos de ida e volta, aínda que nalgún caso haberá que disputar unha previa como sucederá na Xuvenil entre Club Compañía de María e CH Compostela, co gañador xogando nos cuartos de final contra o HC Raxoi, ao estar inscritos 9 equipos.
Na Infantil, con 14 conxuntos que formalizaron a súa inscrición, dous pasarán xa directamente ao cadro de cuartos de final (Diver Patín CD e HC Raxoi “A”) mentres o resto xogarán a rolda previa de oitavos de final. Unicamente a categoría Alevín non precisará de ninguna previa, pois os 16 equipos inscritos disputarán xa os oitavos de final. Todas as eliminatorias son de ida e volta excepto a final, que se disputará nas tres categorías o 9 de xuño.
#eupatino
