O pasado domingo remataban as Fases de Sector Norte de Hóckey sobre Patíns das categorías Junior, Xuvenil, Infantil e Alevín, que durante os dous últimos fins de semana se desenvolveron en Galicia e no Principado de Asturias, con dúas prazas en cada unha para os Campionatos de España que se celebrarán no mes de maio. Dos 8 equipos que se clasificaron entre os 24 que competiron de ambas comunidades autónomas, a nosa contará contará con 6 distribuídos do seguinte xeito:
– Junior (A Coruña, 5-6-7 de maio): AC Órdenes e Club Compañía de María.
– Xuvenil (Alcañiz, 12-13-14 de maio): Club Compañía de María “A” e HC Liceo.
– Infantil (Oviedo, 5-6-7 de maio): Club Compañía de María “A”.
– Alevín (Alcobendas, 12-13-14 de maio): CH Compostela “A”.
Por outra banda, o HC Liceo xogará este fin de semana (29-30 de abril) no polideportivo Ruth Beitia da Albericia en Santander a Fase de Ascenso a Primeira División Nacional, tendo como rivais a Roller Oviedo HC, CD Urdaneta de Bilbao e RC Jolaseta de Getxo. O sorteo do calendario será o venres ás 20:00 horas.
[Fotos: FGP e Luis Velasco Hevia]
