Coa participación de 82 deportistas, disputouse este pasado fin de semana nas instalacións municipais do estadio García Irmáns de Betanzos (A Coruña) unha nova edición do Campionato Galego en Circuíto de Patinaxe de Velocidade, que contou con inscritos nas categorías Mini, Prebenxamín, Benxamín, Alevín, Infantil, Xuvenil, Junior, Senior e Master, tanto no apartado Masculino coma no Feminino e con un clube destacado polos seus resultados como foi o Sada Patín.
Un total de 56 probas foron desenvolvéndose o sábado pola tarde e o domingo pola mañá, en dúas xornadas nas que a meteoroloxía quixo ser benévola con sol e unha agradable temperatura, incluso nalgún momento máis propia do verán que da primavera, pero que é un elemento imprescindible para levar a cabo a competición.
No arquivo adxunto, podedes consultar as clasificacións de todas as probas e categorías.
