O V Campionato de España de Seleccións Autonómicas de hóckey liña masculino e feminino tivo lugar do 22 ao 25 de maio en Jaca coa presencia de 11 seleccións en ambas categorías. A Selección Galega competiu en ambas categorías, quedando a masculina en 6ª posición e a feminina de 7ª tras o seguintes cruces e resultados:
Selección Galega Masculina 6ª:
Tras clasificarse en primeira posición na fase de grupos conseguindo 10 puntos, perderon 4 – 3 nos cuartos de final contra Cataluña. No partido polo 5º ao 8º posto, enfrontáronse a Aragón, gañando o partido 2 – 3. Finalmente, na loita polo 5º posto contra a Selección Vasca, o partido quedou a empate a 2, vencendo os vascos na Prórroga, polo que a Selección Galega conseguiu o 6º posto na clasificación.
Selección Galega Feminina 7ª:
A Selección Feminina clasificouse para cuartos de final tras quedar no 3º posto na fase de grupos. No partido de cuartos, a Selección de Castela e León venceu con 4 goles a 0.
Na loita polo 5º ao 8º posto, Galicia perdeu 2 – 1 contra Euskadi, pero, finalmente, gañou o partido polo 7º posto contra Castela-A Mancha cun magífico resultado de 7 a 1.
Desde a Federación Galega de Patinaxe queremos dar os parabéns a todos os patinadores e patinadoras polo seu gran traballo e resultados.
