Logo dunha liga regular composta por 10 xornadas de competición, a Liga Senior Feminina de Hóckey sobre Patíns finalizaba o pasado sábado cos derradeiros partidos da mesma, polo que os equipos que xogarán a Final a 4 os días 12 e 13 de maio no pavillón de Monte Alto de A Coruña serán o HC Liceo, como primeiro clasificado, ademais de Diver Patín CD, CH Compostela e HC Borbolla.
O fin de semana anterior, os días 5 e 6 de maio, tamén en Monte Alto, celebrarase a Final a 4 da Liga Galega Sub16 Feminina, da que neste caso aínda resta un partido o vindeiro 1 de maio para rematar a liga regular. C Club Compañía de María concluirá como primeiro clasificado mentres HC Raxoi e HC Liceo decidirán quen é segundo ou terceiro no encontro que teñen pendente, sendo o cuarto equipo que loitará polo título galego da categoría o CH Oleiros.
#eupatino