Este fin de semana concluía a liga regular de dúas categorías das Ligas Autonómicas de Hóckey sobre Patíns que xogarán as súas Finais a 4, nas que se resolverá o título galego e os equipos que disputarán as súas respectivas Fases de Sector.
Na Junior, tras oito xornadas de competición, o primeiro clasificado é o Club Compañía de María, que só perdía un partido e gañaba o resto. A segunda praza é para HC Liceo por diante de CAA Dominicos e CH Compostela, que serán os catros equipos que disputen a Final a 4 os días 24 e 25 de marzo no pavillón de Monte Alto da Coruña, onde tamén se celebrará a da categoría Infantil ese mesmo fin de semana. Neste caso o equipo que remata na primeira posición despois de disputar 16 xornadas da 1.ª División é o CH Compostela “A” seguido por Club Compañía de María “A”, Escola Lubiáns e HC Liceo “A”, polo que son os catro que acceden á Final a 4.
#eupatino