Finalizaba este pasado domingo, 5 de marzo, a liga regular da categoría Senior Masculina que se iniciaba o 17 de setembro de 2016, sendo así a primeira das ligas autonómicas de Hóckey sobre Patíns que dan por concluídos tras 22 xornadas os enfrontamentos previstos entre os once equipos que a formaban. Cun só partido perdido, o equipo do Club AA Dominicos finalizaba en primeira posición con 57 puntos e unha soa derrota, contando os seus 19 partidos restantes por vitorias. A partir desta semana afrontarase a eliminatoria de cuartos de final, para as que se clasificaron os oito primeiros e cuxos partidos de ida e volta se disputaránse este fin de semana e o seguinte, xogándose o primeiro encontro na pista do peor clasificado, polo que os emparellamentos quedan da seguinte maneira:
HC Borbolla – Club AA Dominicos (11.03.2017 | 18:00)
Escola Lubiáns – Club Compañía de María “A” (11.03.2017 | 20:00)
CH Compostela – Club Compañía de María “B” (11.03.2017 | 21:00)
HC Liceo – AC Órdenes (12.03.2017 | 12:00)
Os gañadores das catro eliminatorias pasarán á Final a 4, que se celebrará o fin de semana do 25 e 26 de marzo no Pavillón Castelao I de Ordes e da cal sairá o campión galego da categoría, que ademais accederá á fase de ascenso a Primeira División Nacional.