O Concello da Coruña acollerá este xoves 14 de xuño, a un mes da súa inauguración, a presentación da edición número 53 do Campionato de Europa Masculino de Hóckey sobre Patíns, que por primeira vez se celebrará en Galicia. O Palacio dos Deportes de Riazor acollerá do 14 ao 22 de xullo a competición continental coa presenza de 11 seleccións nacionais.
O acto de presentación terá lugar ás 12:00 horas e contará coa presenza de Fernando Graça, presidente do Comité Europeo de Hóckey sobre Patíns (CERS-Rink Hockey); e de Carmelo Paniagua, presidente da Real Federación Española de Patinaxe. Entre outras autoridades, tamén estarán presentes José Manuel Sande, concelleiro de Deportes, Cultura e Coñecemento do municipio coruñés; e Vicente Torres, presidente da Federación Galega de Patinaxe e representante do comité organizador do Eurohockey 2018.
#eurohockey2018 #OKEuroM #OKCoruna #OKEuro2018 #ACoruña #eupatino