Este vindeiro sábado 25 de xaneiro terá lugar a primeira xornada da Liga Feminina de Roller Derby organizada, planificada e xestada polo clube Coruña Roller Derby Irmandiñas, unha competición que se celebrará no Polideportivo II de Elviña, co apoio da Federación Galega de Patinaxe e da Xunta de Galicia, e cuxa entrada será de balde.
Nesta primeira xornada disputáranse dous encontros. O primeiro será ás 17 horas, onde se enfrentará as Brigantias contra o equipo vigués Sereas. Ás 19 horas chegará o turno das nosas anfitrionas, Irmandiñas, que competirán contra o equipo ourensano Jabatas.
EN QUE CONSISTE O ROLLER DERBY?
O Roller Derby é un deporte de contacto, orixinario dos Estados Unidos, que xógase sobre patíns tradicionais o redor dunha pista ovalada. Consiste nun partido de dous tempos de trinta minutos cada un, onde as escuadras compiten entre sí co obxectivo de anotar máis puntos co adversario. O equipo que alcance a maior puntuación é o gañador.
O Roller Derby é un deporte maioritariamente feminino que actualmente goza dunha crecente popularidade e gran crecemento en Galicia, sendo a comunidade autónoma con máis equipos federados. Este deporte defende valores como a igualdade, a inclusividade e o empoderamento.
Fotos: Roller Derby Irmandiñas