A piques de cumprir medio século de funcionamento desde a súa apertura o 1 de agosto de 1970, o Palacio dos Deportes de Riazor da Coruña, situado na rúa Manuel Murguía xunto ao Estadio Municipal de Riazor e formando parte dun conxunto de instalacións deportivas municipais, acollerá por primeira vez un Campionato de Europa Masculino de Hóckey Patíns. Con todo, a pista coruñesa, agora profundamente remodelada desde o ano 2011, xa albergou dous Campionatos do Mundo do devandito deporte, en 1972 e 1988, pero co cal ten un vínculo especial ao ser o lugar onde disputa os seus partidos o Hockey Club Liceo da Coruña.
Precisamente naquel mes de agosto de 1970 a inauguración levouse a cabo cun partido de hóckey sobre patíns que enfrontou a España cun equipo formado por xogadores do resto do mundo e que terminaba con vitoria do conxunto español por 4-2.
A pista sobre a que se xogará esta 53 edición do Campionato de Europa Masculino de Hóockey Patíns é de parquet e ten unhas dimensións de 40×20 m, cunha capacidade para os espectadores, todos eles sentados, de 4.400 asentos. Ademais das competicións de hóckey sobre patíns, o Palacio dos Deportes de Riazor foi o escenario de importantes eventos como a Copa do Rey de baloncesto en varias edicións.
[Foto: Luis Velasco Hevia]
#eurohockey2018 #OKEuroM #OKCoruna #OKEuro2018 #ACoruña #eupatino