O equipo Alevín do Club Isla Pancha de Ribadeo Trasnos participou no Campionato de España Alevín de hóckey liña, celebrado do 15 ao 17 de maio no Polideportivo de Zorroza, en Bilbao.
O Campionato foi organizado polo Metropolitano Hockey Club e reuniu un total de 12 equipos de toda España.
O conxunto ribadense, integrado por Maco Pardo na portería, Zoe De Diago, Gael Bouso, Dani García, Nel Piñera, Unai Antón, Sergio Álvarez, Amanda Vidal e Cidre Nonide, baixo a dirección da adestradora Sole García, viviu unha experiencia inesquecible competindo fronte aos mellores clubs do país.
Na xornada do venres 15, os ribadenses xogaron o seu primeiro encontro ante o Tres Cantos de Madrid e, pola tarde, enfrontáronse aos Skulls de Almàssera.
O sábado pola mañá xogaron contra Sumendi de Victoria- Gasteiz e, pola tarde contra o Metrópolitano. Finalmente, o domingo 17 remataron a súa participación contra os Troyanos de Villarrobledo.