Por segundo ano consecutivo o H. C. Raxoi de Santiago de Compostela organiza os días 15 e 16 de abril, aproveitando o periodo non lectivo para os escolares da Semana Santa, as xornadas de Tecnificación e Empoderamento Feminino en Hóckey a Patíns e que se desenvolverán en dous eventos. Así, o pavillón municipal de Vite en Santiago de Compostela acollerá o luns e o martes as xornadas de Tecnificación dirixidas por María Fernández Grande “Pulgui”, Marta Soler Balcells, Silvia Borrás Lumbreras e Joan Manuel Grasas Rodríguez.
Por outra banda e grazas a un acordo de colaboración do club compostelán coa Federación Galega de Patinaxe, o luns pola tarde desde as 19:30 horas e no salón de actos da entidade federativa na Coruña (Praza Agustín Díaz 3), terá lugar unha charla coloquio baseada na situación e papel actual da muller no deporte e no caso particular do hóckey a patíns, na que intervirán María Fernández Grande “Pulgui” desde a perspectiva das deportistas e María Teresa Martínez Cancelo desde a dos técnicos, sendo libre o acceso á mesma.
Máis información en https://hcraxoi.wordpress.com/II-xornada-feminino/
#eupatino