Do mesmo xeito que sucedeu na pasada tempada, a Liga Galega Senior Feminina de Hóckey Liña non contará con sedes, ao igual que sucede no resto de categorías autonómicas da modalidade, senón que os catro equipos que xogarán a mesma irán disputando os seus encontros en diversas datas establecidas previamente, pero que poden mudar ao longo do desenvolvemento da liga regular de 10 xornadas, que se porá en marcha este domingo 4 de novembro co primeiro partido da xornada inaugural no pavillón Daniel Cordido Castro de Lugo a partir das 12:00 horas, no se que enfrentará o conxunto local do Lóstregos HL ao coruñés do ADC Alquimia Inline. O outro encontro correspondente á primeira xornada está previsto que se xogue o sábado 10 de novembro entre Brigantium e A Guarda HL (18:30 horas).
Tamén hai que salientar o adiamento da Primeira Sede de Liga Galega Infantil, inicialmente calendada para este domingo, pero que foi posposta para unha vindeira data que se comunicará proximamente.
Horarios, resultados e clasificacións
#eupatino