Onte, 10 de setembro, tivo lugar a gala dos Premios Deporte Galego dos anos 2023 e 2024 no Centro Galego de Tecnificación Deportiva de Pontevedra, organizada pola Secretaría Xeral para o Deporte da Xunta de Galicia.
O CPA Gondomar foi recoñecido como a mellor entidade na promoción do deporte base do 2023, ano no que o seu Grupo Show Júnior Mens sana in corpore patiens, proclamouse campión de Europa e ouro nacional.
David Figueroa, presidente e adestrador do CPA Gondomar, non puido acudir a recoller o premio ao atoparse no Campionato Europeo, polo que foi a secretaria do club, Luz, quen recolleu o galardón.
Cabe destacar que, nos últimos anos, o club consolidouse como unha das canteiras máis destacadas da patinaxe artística, con deportistas que acadaron excelentes resultados e podios en campionatos autonómicos, nacionais e internacionais.
Desde a FGP queremos dar os parabéns ao CPA Gondomar pola gran labor que están a desenvolver na promoción da patinaxe artística e pola súa traxectoria.
