Vibrante fin de semana o que se viviu de novo no pavillón de Monte Alto da Coruña co desenlace das Finais a 4 das categorías Xuvenil e Alevín de Hóckey sobre Patíns, chegando en ambas as dúas á derradeira xornada, disputada hoxe pola tarde, con todo por decidir, tanto os tres postos para as respectivas fases de sector como o campión galego.
Na Xuvenil era o Club AA Dominicos o primeiro en acadar o seu obxectivo ao derrotar a CH Compostela “A”, polo que os composteláns quedaban fóra da Fase de Sector Norte que se disputará no Principado de Asturias en dúas semanas, do 21 ao 23 de abril. Seguidamente, Club Compañía de María “A” e HC Liceo dirimían quen ía ser campión galego, xa cos dous clasificados para o Sector. Nun encontro moi disputado a pesar do avultado marcador final, os liceístas foron finalmente superiores a pesar de que Compañía chegaba como favorito despois dunha espectacular liga regular, onde non perderan ningún partido dos 18 disputados, sendo precisamente a desta tarde ante o HC Liceo a súa primeira derrota de toda a tempada.
No que atinxe á categoría Alevín, o HC Liceo “A” lograba a vitoria ante o AC Órdenes e con elo o seu pase para a Fase de Sector Norte, que será tamén do 21 ao 23 de abril en Monte Alto. No derradeiro enfrontamento, os conxuntos composteláns de CH Compostela “A”, líder da liga regular cunha soa derrota, e HC Raxoi “A” decidían o título autonómico. Aquí tamén se rompeu o pronóstico, pois logo do dominio inicial do Compostela, os do Raxoi conseguían remontar un marcador adverso para impoñerse e lograr o título de campións galegos.
RESULTADOS FINAL A 4 – XUVENIL (A Coruña, Monte Alto)
Sábado, 8 de abril de 2017
Xornada 1
Club Compañía de María “A” 5 – 2 CH Compostela “A”
HC Liceo 2 – 1 Club AA Dominicos
Domingo, 9 de abril de 2017
Xornada 2
Club Compañía de María “A” 5 – 2 Club AA Dominicos
HC Liceo 3 – 1 CH Compostela “A”
Xornada 3
Club AA Dominicos 5 – 1 CH Compostela “A”
Club Compañía de María “A” 1 – 7 HC Liceo
RESULTADOS FINAL A 4 – ALEVÍN (A Coruña, Monte Alto)
Sábado, 8 de abril de 2017
Xornada 1
CH Compostela “A” 1 – 1 HC Liceo “A”
HC Raxoi “A” 5 – 6 AC Órdenes
Domingo, 9 de abril de 2017
Xornada 2
CH Compostela “A” 7 – 3 AC Órdenes
HC Raxoi “A” 4 – 1 HC Liceo “A”
Xornada 3
AC Órdenes 2 – 3 HC Liceo “A”
CH Compostela “A” 2 – 3 HC Raxoi “A”