A competición rematou sen poder decidir quen é o campión galego
Emocionante o desenvolvemento da Final a 4 da categoría Infantil que na tarde de onte sábado e durante este domingo se disputou no pavillón do colexio Compañía de María de A Coruña. Finalmente, os tres equipos que remataron nas tres primeiras posicións da liga regular, serán quen se clasifiquen para a Fase de Sector Norte que se celebrará os días 15, 16 e 17 de abril no pavillón de Villafría en Oviedo. H.C. Liceo “A”, Club Compañía de María “A” e Club A.A. Dominicos remataron o torneo empatados a 6 puntos, con dúas vitorias e unha derrota cada un, pero sen posibilidade de desfacer o mesmo, polo que aínda se descoñece quen é o campión galego da categoría.
O artigo 18 das normas de competición indica que no caso de empate a puntos, haberá que acudir á diferenza de goles reflictida nos enfrontamentos entre os tres equipos, polo que ao gañar os tres cadanseu encontro por un tanto, non é posible desfacer o empate. Deste xeito, haberá que acudir a un novo torneo, coa data aínda por decidir, para que tanto H.C. Liceo “A” coma Club Compañía de María “A” e Club A.A. Dominicos se enfronten de novo entre eles, para así poder outorgar o título de campión galego.
Non estivo exento de certa tensión o derradeiro partido da Final a 4, pois nos intres finais o H.C. Liceo “A” conseguía o tanto da vitoria, deixando así aos tres equipos con seis puntos.
Sábado, 2 de abril de 2016
XORNADA 1
CLUB COMPAÑÍA DE MARÍA “A” 7 – 1 C.H. COMPOSTELA “A”
H.C. LICEO “A” 4 – 5 CLUB A.A. DOMINICOS
Domingo, 3 de abril de 2016
XORNADA 2
CLUB COMPAÑÍA DE MARÍA “A” 4 – 3 CLUB A.A. DOMINICOS
H.C. LICEO “A” 10 – 1 C.H. COMPOSTELA “A”
XORNADA 3
CLUB A.A. DOMINICOS 4 – 2 C.H. COMPOSTELA “A”
CLUB COMPAÑÍA DE MARÍA “A” 2 – 3 H.C. LICEO “A”
Clasificación Final a 4 Infantil
