Completo programa o que teñen as seleccións galegas masculina e feminina para este fin de semana. Os mozos dirixidos por Juan Copa desprazaranse á cidade lusa de Ponte de Lima para participar na 14ª edición do Torneio Internacional de Carnaval, organizado pola Associação de Patinagem do Minho, no que será a continuidade aos xa disputados de Natal en Santa María da Feira e o de Reis en Valongo. Neste caso, os rivais serán os combinados habituais das rexións de Minho, Aveiro e Porto. Os dez xogadores convocados para a ocasión son os seguintes: Lucas Meléndrez, Santiago Miguélez, Tomás Villares, Sergio Casteláns e Ignacio Sáenz de Buruaga do Club Compañía de María; Javier Pérez, Uxío Corral, Xosé Calvo e Álex Fontes do CH Compostela; Álvaro Martínez do HC Liceo.
CALENDARIO E HORARIOS (En Galicia, unha hora máis)
Sábado, 25 de febreiro de 2017
Xornada 1
10:00 | Selección Minho – Selección Porto
11:30 | Selección Aveiro – Selección Galega
Xornada 2
17:45 | Selección Galega – Selección Porto
19:00 | Selección Aveiro – Selección Minho
Domingo, 26 de febreiro de 2017
Xornada 3
10:00 | Selección Porto – Selección Aveiro
11:15 | Selección Minho – Selección Galega
No que respecta á selección feminina, dirixida por Estanis García e a quen acompañará Miriam de la Fuente, xogarán dous partidos amigables no Principado de Asturias. O sábado pola tarde (18:30 horas) farano ante o Cuencas Mineras en Pola de Lena mentres o domingo (13:00 horas) enfrontaranse ao Hostelcur en Xixón. As once xogadoras convocadas son: Lucía Parga, Lara Yáñez, Lucía Yáñez e Rebeca Lomba do HC Borbolla; Naiara Vaamonde do CH Compostela; María Sanjurjo, María Castelo, Lucía Paz e Leticia Fernández do HC Liceo; Estela Aradas e Ainhoa Loureiro do CP Oroso.