Despois da recente celebración dos Campionatos Galegos de Grupos Show, chega neste fin de semana a quenda dos correspondentes a Figuras Obrigatorias e Parellas de Danza. Por orde cronolóxica, o primeiro deles celebrarase o sábado 3 de marzo no pavillón municipal de Coruxo en Vigo, organizado polo CP Vagalume-Celtamotor. Ao mesmo tempo que o certame autonómico de Figuras Obrigatorias, a xornada iniciarase coa I Fase de Niveis de Figuras Obrigatorias que se desenvolverá desde as 10:00 ata as 13:30 para os niveis 1 o 4. Posteriormente, de 13:30 a 14:30, realizarase o Campionato Galego de Figuras Obrigatorias e a continuación a cerimonia de entrega de trofeos.
O domingo 4 de marzo, o Club Deportivo Fervello levará a cabo no pazo dos deportes de Arteixo o Campionato Galego de Parellas de Danza para as categorías Infantil e Cadete, cun programa horario de ambas categorías dividido entre os adestramentos e a competición desde as 10:00 horas ata as 12:00, celebrándose a continuación a entrega de trofeos.
#eupatino