Remataba este fin de semana logo de 22 xornadas disputadas a Liga Autonómica Senior de Hóckey sobre Patíns, na que os oito primeiros clasificados ao remate da liga regular disputarán as eliminatorias que darán acceso á Final a 4 que se celebrará os días 31 de marzo e 1 de abril nunha sede que se comunicará nos vindeiros días.
A clasificación quedou encabezada polo HC Liceo con 55 puntos e só un partido perdido e que xunto a Club Compañía de María “A” con 49, Club AA Dominicos e CH Compostela, ambos con 44, serán os cabezas de serie nas eliminatorias de cuartos de final, que se disputarán os días 10 e 17 de marzo cos seguintes emparellamentos:
- HC Borbolla “A” – HC Liceo
- Club Compañía de María “B” – Club Compañía de María “A”
- Traviesas Hockey Club – Club AA Dominicos
- Escola Lubiáns – CH Compostela “A”
Os equipos que se clasificaron nos postos do quinto ao oitavo xogarán o partido de ida na súa propia pista.
#eupatino