A piques de iniciarse unha nova tempada de Hóckey sobre Patíns nas competicións convocadas pola Federación Galega de Patinaxe, tamén queda pechado o grupo de adestradores que formarán o cadro técnico que seguirá estando dirixido por Juan Copa, ampliando así o seu primeiro ciclo de catro anos nos que leva desenvolvendo esta función.
O que si muda oficialmente, aínda que xa o viña facendo na última tempada, é o cargo de seleccionado masculino, posto que recaerá en Manuel Togores e que ata o de agora exercía de adestrador axudante de Copa. No que atinxe ás seleccións femininas, será Joan Grasas o novo seleccionador tras unha exitosa traxectoria como xogador, entre outros nos equipos galegos HC Liceo e CP Cerceda, nos que estivo varias tempadas disputando a OK Liga. Trala súa retirada das pistas, estivo como axudante da Juan Copa no HC Liceo a pasada tempada, aínda que na súa derradeira época como xogador no CP Cerceda xa se caracterizaba por ser a continuación do adestrador nas categorías de base. Por outra banda, Pablo Suárez seguirá como preparador físicos de ambas as dúas seleccións.
#eupatino