A Federación Galega de Patinaxe lanza un curso 100% online dirixido a monitores, adestradores de base e persoas interesadas en formarse como xuíz autonómico nas distintas modalidades da patinaxe artística: Libre, Solo Danza, Parella Danza, Parellas de Artístico, Show e Cuarteto.
O programa combina contidos gravados e talleres en directo, con posibilidade de exame para a obtención da titulación de Xuíz Autonómico da FGP.
O curso ofrece unha aprendizaxe con enfoque práctico para avaliar programas artísticos (elementos técnicos e compoñentes artísticas) en todas as modalidades convocadas pola FGP. Ademáis, dará acceso a contidos diferidos (gravados) dispoñibles a partir das datas programadas, así como talleres online en directo para resolver dúbidas e practicar.
Os interesados deberán realizar unha preinscrición (obrigatoria) ata o 24 de setembro de 2025 ás 20:00h. Tras pechar a preinscrición, poderase realizar a inscrición oficial cando a FGP aporte instrucións adicionais.
O curso celebrarase do 8 de outubro ao 30 de novembro de 2025 con talleres prácticos os días 2 e 23 de novembro e un taller final o 30 de novembro.
O temario inclue 11 módulos con actividades prácticas e talleres específicos. O curso suma sesións teóricas diferidas e encontros online para practicar e resolver dúbidas.
Toda a información pode encontrarse na seguinte ligazón: https://www.fgpatinaxe.gal/circulares/CIR015-25CursoEvaluacionProgramasArtstico2025.pdf
