Os primeros títulos da tempada na modalidade de Grupos Show de Patinaxe Artística resolvéronse o pasado sábado no pavillón municipal de Santa Isabel de Santiago de Compostela, nunha competición organizada polo CD Fontiñas e que contou coa participación de 12 grupos na categorías de Pequenos e 8 na dos Grandes, o que sumaba un total de case 250 patinadores e patinadoras.
En Grupos Grandes o podio estivo moi disputado, levando finalmente o título CPA Ribex con “Mal Augurio” e 82,7 puntos. Moi próximos en puntuación situábanse os de CPA Valladares con “El Camino” e 80,8 puntos mentres CARPA-Viqueira (“Desxeo”) completaba o podio con 78,3.
Con maior diferenza se resolveu o título de Grupos Pequenos, onde o campión foi CPA Gondomar (“Expediente Alice”) con 88,1 puntos seguidos por CARPA-Viqueira (“¿Por que a min?”), que facía podio nas dúas categorías e 82,4 puntos, e CPA Condado (“Vogue”) que remataba terceiro con 80,7.
#eupatino
[Fotos: CPA Condado, CPA Ribex, CPA Valladares e CARPA-Viqueira]
.