Quedaron resoltos este pasado sábado 24 de febreiro os dous campións galegos de Grupos Show de Patinaxe Artística nas categorías Xuvenís e Cuartetos, onde CPA Condado e CPA Valladares respectivamente conseguían ambos títulos.
A competición desenvolveuse no pavillón municipal de Tui organizado polo CPA Ribex, contando coa participación de 10 Grupos Xuvenís e 4 en Cuartetos. Coa coreografía denominada “Efecto Dominó”, CPA Condado levábase o título en Xuvenís con 77,92 puntos por diante de CP Campus Stellae con “thefactoryofdreams.show” e 76,83 nun axustado desenlace no que CPA Ribex, o anfitrión, tamén tivo opcións ao rematar terceiro con “Más Allá” e 75,6 puntos.
Nos Cuartetos, acadaban o título galego CPA Valladares con “Hypnotic” e 73,6 puntos superando a CP Axel Arteixo con 69,1 e a súa actuación “Z” mentres que Coruxo FC completaba o podio con 60,0 puntos e “Tenebris”.
#eupatino
[Fotos: CPA Ribex e CPA Valladares]
