CP Campus Stellae en Grupos Grandes e CP Sarela en Grupos Pequenos dominaron este domingo o Campionato Autonómico de 2ª Categoría de Grupos Show, que se celebrou durante toda a xornada no Pazo dos Deportes de Riazor da Coruña organizado polo Club Brincadeira.
Moi axustadas estiveron as puntuacións nas dúas categorías, sendo finalmente dous clubes do entorno de Compostela os campións. Entre os 8 Grupos Grandes que participaban, o CP Campus Stellae acadaba a primeira praza con “Salvador Dalí” mentres a segunda posición era para Club Ánfora de Cangas do Morrazo con “Eres mi reflejo” e a terceira correspondíalle ao Club Bolboreta de Redondela con “The winter is coming”.
Dos 16 Grupos Pequenos presentes na pista de Riazor, o CP Sarela de Bertamiráns remataba no primeiro lugar con “Kiva”. CPA Rosaleira de Mos e Club Patín Porriño interpretando “Tallando la perfección” y “El robo” respectivamente compretaban o podio nesta categoría.
Os resultados están dispoñibles no documento adxunto e no portal de competicións de Patinaxe Artística.
