Confirmando a superioridade mostrada na fase regular da competición autonómica Alevín de Hóckey sobre Patíns, o Club A. A. Dominicos vén de proclamarse campión galego da categoría tras gañar esta tarde, no polideportivo municipal Os Campóns en Cambre (A Coruña), ao C. H. Compostela A por 6-3. Os coruñeses levaron a iniciativa desde o inicio, chegando xa ao descanso cun resultado favorable de 3-0 e, aínda que os composteláns trataron de reaccionar no segundo periodo, finalmente non puideron con Dominicos. Na final de consolación, vitoria para H. C. Liceo A ante A. C. Órdenes por 2-3, aínda que esta tempada serán os catro equipos que disputaron a Final a 4 os que acudan á Fase de Sector Norte que se desenvolverá os días 26, 27 e 28 de abril neste mesmo escenario.
Resultados | Polideportivo municipal Os Campóns – Cambre (A Coruña)
SEMIFINAIS – Sábado, 6 de abril de 2019
Club A. A. Dominicos 5 – 1 A. C. Órdenes
H. C. Liceo A 3 – 5 C. H. Compostela A
FINAIS – Domingo, 7 de abril de 2019
A. C. Órdenes 2 – 3 H. C. Liceo A
Club A. A. Dominicos A 6 – 3 C. H. Compostela A
#eupatino