PROTOCOLO SINISTRO ASISA
APP FGP
ELECCIONES FGP 2026
ELECCIONES FEDERACIÓN GALEGA DE PATINAXE

Mar 21

Celebrado con éxito o control de preselección galega de Inline Freestyle.

A Federación Galega de Patinaxe, a través do seu Comité de Inline Freestyle, levou a cabo con éxito a xornada de control correspondente ao proceso de preselección da categoría sub-15, celebrada o pasado 19 de marzo no Polideportivo A Carballeira “Secundino Basalo”, en Ourense.

 
 

Esta sesión de seguimento, enmarcada dentro do programa de tecnificación deportiva da FGP, tivo como obxectivo avaliar a evolución técnica e deportiva dos e das patinadores/as convocados/as, previamente seleccionados/as en base aos seus resultados en competición e á súa progresión en anteriores concentracións.

 

Durante a xornada, desenvolvida en horario de mañá, os deportistas participaron en distintas probas específicas da modalidade, como salto (jump) e speed slalom, ademais de exercicios técnicos complementarios. A atividade desenvolveuse con total normalidade, cumplindo cos tempos previstos e amosando un alto nivel de implicación e compromiso por parte dos participantes.

 
 

Dende o corpo técnico destácase o bo ambiente de traballo, a actitude positiva dos e das deportistas e o notable nivel demostrado, o que permitirá continuar afinando o grupo de preseleccionados de cara á conformación da futura Selección Galega, que representará a Galicia no Campionato de España de Seleccións Autonómicas 2026.

 

A Federación Galega de Patinaxe valora moi positivamente o desenvolvemento desta xornada, que supón un paso importante na consolidación e crecemento do Inline Freestyle en Galicia, así como na detección e formación de novos talentos deportivos.

 

Oficinas y Sede Social
Praza de Agustín Díaz, nº 3
15008 - A Coruña
Redes Sociales
Página Web | www.fgpatinaxe.gal
Facebook y Twitter | FGPatinaxe
Datos de Contacto
Email General | secretaria@fgpatinaxe.gal
Tfno | 981 130 994 - Fax | 981 134 183
Copyrights © All Rights Reserved FEDERACIÓN GALEGA DE PATINAXE AVISO LEGAL