Organizada polo CPA Omega, celebrouse o pasado sábado 11 de febreiro a I Fase de Categoría Rexional no pavillón do Milladoiro do Concello de Ames. Finalmente foron un total de 91 participantes os que realizaron o programa libre en varias categorías, sendo os gañadores de cada unha delas Lola Álvarez Romeu do CPA Gondomar (Benxamín Feminino), Diego Íñiguez Lodeiro do CP Axel Arteixo (Benxamín Masculino), Sara Abal Giráldez do CPA Gondomar (Alevín Feminino), Carmen Ruiz Balboa do CPA Maxia (Infantil Feminino), Iván Ryan Seijas Gómez do CP Oleiros (Cadete Masculino), Lucía Dapena García do CPA Maxia (Cadete Feminino) e Rita Alonso Allegue do CP Oleiros (Absoluta Feminino).
Debido a algunhas ausencias, puidose realizar todo o programa previsto durante a mesma xornada, finalizando xa ben entrada a tarde coa entrega de trofeos aos tres primeiros clasificados de cada categoría, contando ademais coa presenza do alcalde de Ames e concelleiro de deportes do municipio coruñés, José Miñones.
Clasificacións I Fase Categoría Rexional
[Fotos: CPA Omega]
