As once selecciones nacionais que participarán no 53 Campionato de Europa Masculino de Hóckey sobre Patíns do 14 ao 22 de xullo na Coruña afrontarán unha fase previa de grupos. Cinco equipos formarán o grupo A (Portugal, Suíza, Francia, Austria e Andorra) e seis o B (Italia, España, Alemaña, Inglaterra, Bélxica e Holanda). Nesta fase disputarase unha liga de todos contra todos da que se clasificarán os catro primeiros para os cuartos de final na que se cruzarán os conxuntos de ambos os grupos (1.º A-4º B, 2.º A-3.º B, 3.º A-2.º B, 4º. A-1.º B). De aí sairán os semifinalistas e de aquí os dous equipos que disputarán a final no Palacio dos Deportes de Riazor o domingo 22 de xullo ás 19:30 horas.
#eurohockey2018 #OKEuroM #OKCoruna #OKEuro2018 #ACoruña #eupatino