Organizado pola Asociação de Patinagem de Aveiro, esta fin de semana disputarase a 16.ª edición do Torneio Internacional de Natal de Hóckey sobre Patíns, que este ano contará cunha importante novidade ao acoller, por primeira vez, partidos da categoría Sub-17 Feminina e na que estará representada a selección galega dirixida por Joan Grasas, que xogará dous encontros, o primeiro contra AP Porto o sábado pola tarde e o segundo ante AP Aveiro na mañá do domingo.
O feito de que haxa representación feminina e masculina, neste caso coas seleccións rexionais Sub-15 de Aveiro, Porto, Minho e Galicia, esta adestrada por Manuel Togores, conleva a distribución do torneo amigable en dúas sedes, Oliveira de Azeméis e Cucujães, onde se xogarán os nove partidos previstos nos dous días de competición.
CALENDARIO (*Hora local, unha máis en España)
Sábado, 15 de decembro de 2018
Xornada 1 – Pavillón Dr Salvador Machado
10:00 | AP Aveiro – AP Porto (Sub-15 Masculino)
11:30 | AP Aveiro – AP Porto (Sub-17 Feminino)
13:00 | AP Minho – Galicia (Sub-15 Masculino)
Xornada 2 – Pavillón CD Cucujães
19:30 | AP Porto – Galicia (Sub-17 Feminino)
21:00 | AP Porto – AP Minho (Sub-15 Masculino)
22:30 | AP Aveiro – Galicia (Sub-15 Masculino)
Domingo, 16 de decembro de 2018
Xornada 3 – Pavillón Dr Salvador Machado
10:00 | Galicia – AP Porto (Sub-15 Masculino)
11:30 | AP Aveiro – Galicia (Sub-17 Feminino)
13:00 | AP Aveiro – AP Minho (Sub-15 Masculino)
14:00 | Cerimonia de clausura
#eupatino