A primeira competición de oficial de carácter nacional en Galicia celebrarase este domingo en Santiago de Compostela e Vigo, cos respectivos Trofeos Deputación onde 129 patinadores a patinadoras farán unicamente o programa curto para todas as categorías, tanto masculinas como femininas, aínda que tanto a Benxamín como a Senior non terán presenza en Vigo.
O pavillón do Restollal en Santiago de Compostela acolle o Trofeo Deputación da Coruña coa organización do Club Patinaxe Compostela, dividindo a competición en xornada de mañá (Senior, Junior, Xuvenil e Cadete) de 10:30 a 14:30 e tarde (Benxamín, Alevín e Infantil) de 17:10 a 20:30 horas para un total de 78 inscritos.
A sección de Patinaxe do Coruxo FC organiza no pavillón de Coruxo o Trofeo Deputación de Pontevedra cos Junior, Xuvenil e Cadete competindo na mañá do domingo de 11:00 a 13:45 e Alevín e Infantil de 16:30 a 18:15 horas, contando cunha participación de 51 inscritos. En ambos casos, ao remate de cada sesión, farase a entrega de trofeos.
#eupatino
