No pazo municipal dos deportes de Riazor na Coruña dispútase este sábado 13 de maio, de 15:00 a 21:00 horas, un torneo aberto da modalidade de Roller Derby organizado polo clube local de As Brigantias e que contará con xogadoras de sete equipos de diversos lugares de España e Portugal, que misturadas en tres formacións procedentes dos conxuntos de Roller Derby Madrid, Kinkicharrras Roller Derby Salamanca, Sereas Bravas Roller Derby Vigo, Black Thunders Derby Dames Madrid, Rocket Dolls Doller Derby Coimbra, Botxo Killers Bilbo Roller Derby e as locais de As Brigantias Roller Derby, disputarán un torneo triangular ao longo da tarde. A apertura de portas será ás 14:30 horas e a entrada é de balde, así non hai ningunha escusa para achegarse a Riazor e gozar dun bo espectáculo.
