Co CP Lóstregos Lucus como anfitrión, este domingo 19 de novembro comeza unha nova tempada da categoría Infantil das ligas autonómicas de Hóckey Liña, que contará con oito equipos e sete xornadas distribuídas en catro sedes, tres delas con dobre xornada e a última cunha soa. Con respecto á tempada pasada, hai que destacar a incorporación dos conxuntos Galicia Rollers e ADC Alquimia InLine e o cambio no sistema de competición, xa que só se disputará unha volta xogando todos contra todos para a continuación, facer un Play Off cos catro primeiros clasificados e outro cos que rematen nas posicións da 5ª á 8ª. Os partidos comezarán ás 11:00 horas no pavillón Daniel Cordido Castro de Lugo e finalizarán sobre as 19:30, despois de disputar a primeira e a segunda xornadas desta interesante competición.
Horarios, resultados e clasificación
#eupatino