Organizado polo Club Patinaxe Artística Fénix do Carballiño (Ourense), este sábado 23 de xuño celebrarase a terceira edición da Copa Deputación Ourense de Patinaxe Artística, na que participarán 76 inscritos da categoría de Niveis e dous na Rexional dos clubes da provincia de Ourense, o propio anfitrión xunto ao Club Aehde, tamén do Carballiño, e o CD Ourela de Ourense. Precisamente ambos os dous foron os organizadores das dúas edicións precedentes, que cada ano se van rotando entre eles, sendo agora a quenda do máis xove de todos, o Fénix da comarca do Orcellón.
No que atinxe ao programa horario, a actividade no pavillón Paco Chao do Carballiño iniciarase ás 10:00 horas cos adestramentos dos niveis 0, 1, 2 e 6 e, de seguido, desde as 11:00, a competición destas categorías. Tras un pequeno descanso, ás 15:30 horas comezan os adestramentos dos niveis 3, 4, 5 e 7 e a categoría Rexional dando paso a partir das 16:15 á competición das mesmas. Á súa conclusión procederase á entrega de trofeos, sobre as oito da tarde.
Horarios: 2018-Copa-Deputacion-Ourense-Horarios
Orde de saída: 2018-Copa-Deputacion-Ourense-Orde-Saida
#eupatino