Un total de 119 patinadores e patinadoras estrean esta fin de semana unha nova tempada coa primeira proba do denso calendario das competicións autonómicas de Patinaxe Artística, pois os pavillón municipal Cándido Carrera Estévez de Salvaterra de Miño (Pontevedra) acolle a I Fase Rexional da modalidade.
O C. P. A. Condado será o organizador da proba que se desenvolverá en dúas xornadas. A primeira, o sábado 19 de xaneiro, cos adestramentos e a competición da Fase Rexional para as categorías Benxamín, Alevín, Infantil e Absoluta, tanto masculina como feminina. O domingo 20 pola mañá será a quenda das Probas de Acceso para aqueles patinadores e patinadoras que buscan a súa clasificación para Categoría Nacional nas categorías Benxamín, Alevín, Infantil, Cadete e Sénior.
#eupatino