Máis dun milleiro de patinadores e patinadoras participarán nas tres sedes da I Fase de Niveis Libre de Patinaxe Artística que, debido á masiva presenza de inscritos, terá que ser dividida en tres xornadas, as dúas primeiras este fin de semana (7-8 de abril) e a terceira o domingo 15 de abril. A ter cabida todas as categorías, desde Benxamín a Xuvenil, e todos os niveis, do 1 ao 7, será necesario que se repartan en quendas segundo a proximidade de cada clube ao lugar onde se celebren.
Así, en A Coruña Norte onde haberá 462 participantes dos 1.348 totais, será o Club Patín Axel quen organice a competición no Pazo dos Deportes de Arteixo este fin de semana o no Pavillón Elviña I (anexo á sede da F.G.P.) o domingo 15.
O CPA Omega será o responsable da organización en A Coruña Sur con 454 inscritos, que terán que realizar os seus exercicios no Pavillón do Milladoiro, no concello coruñés de Ames.
Para os clubes de Pontevedra e Ourense, a cita é durante as tres xornadas previstas no Pavillón Municipal de Candeán en Vigo, baixo a organización da Federación Viguesa de Peñas Recreativas El Olivo que terá nas mesmas a 432 participantes.
#eupatino
