Catro equipos buscarán desde este sábado pola tarde e o domingo durante todo o día dous obxectivos. Por unha banda, o título galego da categoría Senior de Hockey sobre Patíns na Final a 4 logo de disputar a liga regular e unha eliminatoria previa. E por outro, a posibilidade de xogar a fase de ascenso a Primeira División Nacional. En ambos casos, o escenario será o Pazo de Deportes de Riazor de A Coruña.
Os conxuntos que acuden fin de semana á Final a 4 son HC Liceo, Club Compañía de María “A”, Club AA Dominicos e CH Compostela “A”, nun formato que permanece invariable con enfrentamentos de todos contra todos, co primeiro partido ás 18:00 horas do sábado 31 de marzo e o derradeiro o domingo 1 de abril a partir das 20:00 e que se poderán ver na canle de YouTube de GaliciaNhockey.
#eupatino