Organizado polo H. C. Cambre e a Federación Galega de Patinaxe, o polideportivo municipal Os Campóns en Cambre (A Coruña) acolle esta fin de semana as primeiras Finais a 4 das previstas nas competicións autonómicas de Hóckey sobre Patíns. Serán as categorías Xuvenil e Alevín as convocadas e que ademais mudan de formato esta tempada, pois no canto de disputar unha liga de todos contra todos, como se viña facendo ata agora, haberá semifinais e finais, disputándose tamén a de consolación para saber cal será o terceiro equipo, no caso da categoría Xuvenil, que acudirá á fase de sector Norte os días 26, 27 e 28 de abril en Oviedo xunto aos dous que disputen a final. Na Alevín, os catro equipos clasificados para a Final a 4 xogarán a fase de sector Norte durante eses mesmos días en Cambre. Os gañadores das súas respectivas finais serán os campións galegos de cada categoría, tras concluír hai unhas semanas as fases regulares de ambas que definiron os emparellamentos das semifinais, cos cruces do primeiro co cuarto e o segundo co terceiro. Todos os partidos serán emitidos na canle de YouTube de Galicia en Hockey.
Horarios | Polideportivo municipal Os Campóns – Cambre (A Coruña)
SEMIFINAIS – Sábado, 6 de abril de 2019
[XUVENIL] 10:00 | Club Compañía de María A – A. C. Órdenes
[XUVENIL] 11:30 | C. H. Compostela A – Club A. A. Dominicos
[ALEVÍN] 13:00 | Club A. A. Dominicos – A. C. Órdenes
[ALEVÍN] 14:15 | H. C. Liceo A – C. H. Compostela A
FINAIS – Domingo, 7 de abril de 2019
[ALEVÍN] 16:00 | Final de consolación
[ALEVÍN] 17:15 | Final
[XUVENIL] 18:30 | Final de consolación
[XUVENIL] 20:00 | Final