O Club Patín Vagalume-Celtamotor organiza esta fin de semana no pavillón municipal de Candeán en Vigo (Pontevedra) unha nova edición do Campionato Galego Só Dance e Parellas de Danza de Patinaxe Artística, que se desenvolverá nas xornadas do sábado 16 de marzo e o domingo 17.
Na primeira delas, a competición disputarase tanto pola mañá como pola tarde, desde as 11:15 horas e as 17:00 respectivamente, aínda que en ambos casos haberá adestramentos durante os 60 minutos anteriores. O segundo día só se competirá pola mañá, desde as 10:30, con adestramentos a partir das 10:00.
Na nosa páxina web de competicións están dispoñibles os horarios completos e a orde de saída dos 30 patinadores e patinadoras de Só Dance a as catro Parellas de Danza inscritas.
#eupatino