Tras o descanso producido polas vacacións estivais dos escolares, este sábado regresan as competicións autonómicas de Patinaxe Artística coa disputa do Campionato Galego na modalidade libre para as categorías Benxamín, Alevín e Infantil. Organizado polo Club Patín Conxuro Laracha e no pavillón de Caión do municipio coruñés, os primeiros en saír á pista serán os participantes nas categorías Alevín e Infantil para levar a cabo os adestramentos de 10:00 a 10:40 horas do sábado 15 de setembro e a continuación o programa curto.
Xa pola tarde, de 16:00 a 16:10, será a quenda dos adestramentos da categoría Benxamín para, de seguido, iniciar os programas longos de Infantil, Alevín e Benxamín e rematando ás 20:35 coa entrega de trofeos nunha proba que contará cun total de 39 patinadores e patinadoras inscritos.
Como xa sabedes, podedes consultar a orde de saída en http://www.artistico.fgpatinaxe.gal/.
#eupatino