A segunda cita importante da tempada para os clubes que compiten en Grupos Show celébrase este sábado 24 de febreiro no pavillón municipal de Tui, onde baixo a organización do CPA Ribex se celebrará o Campionato Galego para Xuvenís e Cuartetos, que contará coa participación de dez e catro clubes respectivamente.
Os adestramentos serán pola mañá de 10:00 a 14:00 mentres que a competición oficial se iniciará ás 17:30 horas cos Grupos Xuvenís. Tras un descanso de 25 minutos (18:40-19:05), chegará a quenda dos Cuartetos ata pasadas as sete e media da tarde, procedendo ao remate á entrega de trofeos aos tres primeiros clasificados de cada categoría.
#eupatino