O Club Deportivo Fontiñas organiza o sábado 17 de febreiro unha nova edición do Campionato Galego de Grupos Show para Grandes e Pequenos de Patinaxe Artística, que contará coa participación de 8 e 12 clubes respectivamente. O evento celebrarase no pavillón municipal de Santa Isabel en Santiago de Compostela, levando a cabo os adestramentos pola mañá (de 10:00 a 13:00 horas os Grupos Pequenos e de 13:00 a 15:00 os Grandes). A competición oficial iniciarase ás 17:30 cos Pequenos para, unha vez rematada esta e tras un descanso de 15 minutos (19:00 a 19:15), dar paso aos Grandes. A entrega de trofeos farase ao rematar, arredor das 20:45.
A competición será transmitida en directo nesta páxina de facebook.