Celebráronse este pasado fin de semana os partidos de ida dos cuartos de final da Liga Autonómica Senior Masculina de Hóckey sobre Patíns, coa única vitoria local do HC Liceo sobre o AC Órdenes. O vindeiro sábado e domingo terán lugar os encontros de volta, dos que sairán os catro equipos clasificados para a Final a A en Ordes os días 25 e 26 de marzo.
Os resultados foron os seguintes:
HC Borbolla 2 – 7 Club AA Dominicos
Escola Lubiáns 2 – 3 Club Compañía de María “A”
CH Compostela 4 – 9 Club Compañía de María “B”
HC Liceo 3 – 1 AC Órdenes
Tamén onte domingo remataban as ligas regulares de Junior e Xuvenil Autonómica, das que os catro primeiros da clasificación disputarán as súas respectivas Finais a 4, que se celebrarán no pavillón de Monte Alto da Coruña. A Junior será os días 1 e 2 de abril cos equipos AC Órdenes (líder da liga regular), HC Liceo, Club Compañía de María e Club AA Dominicos. Para o fin de semana seguinte, 8 e 9 de abril, será a quenda dos equipos Xuvenís con Club Compañía de María “A” (líder da liga regular gañando os 18 partidos disputados), HC Liceo, Club AA Dominicos e CH Compostela clasificados para a mesma.