Logo de disputar 26 xornadas, os 13 equipos que iniciaron a Liga Galega de Hóckey sobre Patíns no pasado mes de setembro remataron a fase regular o pasado domingo con Club Compañía de María “A” como campión da mesma e sen perder ningún dos encontros disputados, polo que xa confirmou a súa primeira praza con varias xornadas de antelación antes da conclusión da mesma. Agora deberá xogar a Final a 4 os días 6 e 7 de abril xunto a A. C. Órdenes, que será o seu rival na primeira semifinal, mentres C. H. Compostela “A” e Club A. A. Dominicos xogarán a outra. O gañador da final será o campión galego e os tres primeiros accederán á fase de sector dos días 26, 27 e 28 de abril en Cambre (A Coruña).
A fase regular da categoría Alevín tamén se desenvolveu nas mesmas datas que a anterior rematando tamén tras 26 xornadas con Club A. A. Dominicos “A” como campión gañando os 24 encontros, polo que xogará a semifinal da Final a 4 ante A. C. Órdenes, o cuarto clasificado. H. C. Liceo “A” e C. H. Compostela enfrontaranse na outra en busca do título galego.
As dúas Finais a 4 das categorías Xuvenil e Alevín celebraranse os días 6 e 7 de abril no pavillón dos Campóns de Cambre.
Resultados e clasificación final
#eupatino
